company logo

የራዲዮ ፕሮግራም

arbegna foto 5-09-2004 084.JPG

የእርሶ ምርጫ

የወደፊት የኢትዮጵያን ዕድል የሚወሰነው?
 
arbegnoch ginbar loggo  text for calling  3.jpg

Login Form



Content View Hits : 319161
18-03-2007

 
16-03-2007

 
የኢትዮጵያ ሕዝብ አርበኞች ግንባር የወያኔ ቅጥረኞችን ማስወገዱን አሁንም ቀጥሏል። በአንድ ሳምንት ወስጥ ብቻ ሶስት ሕዝብን ሲበድሉና ሲጨቁኑ የነበሩ የወያኔ ቅጥረኞች ተገድለዋል።

የኢትዮጵያ ሕዝብ አርበኞች ግንባር የወያኔ ቅጥረኞችን ኢላማ ያደረገ የውስጥ አርበኞች ዘመቻ በማካሄድ በ15 ቀን ውስጥ ብቻ የሳንጃ ወረዳ ዳኛ ግዛቸው ቸኮል ጌትነት፣ የገንዳ ውሃ ወረዳ ፖሊስ ኢንስፔክተር ዮሃንስ ይግዛውና ኮንስታብል ሻንበል አበበ እርምጃ እንደተወሰደባቸው ይታወሳል።

ይህ በእንዲህ እንዳለ መስከረም 24 ቀን 2007 ዓ/ም ከቀኑ ሰባት ሰዓት ገደማ የገንዳ ውሃ ወረዳ የፀረ-ሽምቅ ሃላፊ ሰጠኝ ፈንታ ላይ በተወሰደ የውስጥ አርበኞች እርምጃ በጥይት ተመቶ ህይወቱ አልፏል። ይህ የወያኔ ቅጥረኛ በበረሃ ለስራ የሚንቀሳቀሱ ስራ ፈላጊዎችንና ቤተሰቦቻቸውን ሽፍታ ናችሁ ለሽፍቶች ስንቅና ውሃ ታቀብላላችሁ በማለት ዜጎችን ሲያስደበድብ፣ ሲያሳስርና ሲያንገለታ የነበር ሲሆን በግንባሩ በተሰጠው ተደጋጋሚ ማስጠንቀቂያ ሊመለስ ባለመቻሉ እርምጃ ተወስዶበታል።

Read more...
 
በወያኔ አገዛዝ ባለስልጣናት ላይ በኢትዮጵያ ሕዝብ አርበኞች ግንባር የሚወሰደው እርምጃ አሁንም ተጠናክሮ እንደቀጠለ ነው። በመተማ ወረዳ ገንዳ ውሃ ከተማ አንድ የአገዛዙ ባለሥልጣን የተገደለ ሲሆን አንዱ ደግሞ ክፉኛ ቆስሏል።

የወያኔ አምባገነናዊ አገዛዝ መዋቅር አካል በመሆን ሕዝብን ኢ-ፍትሀዊ በሆነ መንገድ ሲያስሩ፣ ሲደበድቡና ሲገድሉ የኖሩትን ሹማምንቶች ከዚህ እኩይ ተግባራቸው ለማስቆም በተጀመረው እንቅስቃሴ፣ በምክር አልመለስ ያሉት ላይ እርምጃ የመውሰድ ሰፊ ዘመቻ እየተካሄደ መሆኑ ይታወቃል። የዚህ ዘመቻ ዋና አስፈፃሚ የሆኑት የኢትዮጵያ ሕዝብ አርበኞች ግንባር የውስጥ አርበኞች /ህቡዕ አባላት/ ሰሞኑን በወያኔ ቅጥረኞች ላይ ያነጣጠረ ተከታታይ ጥቃቶችን በመሰንዘር አስተማሪ እርምጃዎች መወሰዳቸው ይታወሳል።

ይህ በውስጥ አርበኞች የተጀመረው ዘመቻ ተጠናክሮ በመቀጠል ማክሰኞ መስከረም 22 ቀን 2007 ዓ/ም በመተማ ወረዳ ገንዳ-ውሃ ከተማ ከጠዋቱ 12 ሰዓት ላይ በተወሰደው እርምጃ ሁለት የወያኔ አገዛዝ ባለሥልጣናት የጥቃቱ ሰለባ የሆኑ ሲሆን፤ በጥቃቱም የወረዳው ፖሊስ ኢንስፔክተር ዮሃንስ ይግዛው ሲገደል፣ ኮንስታብል ሻንበል አበበ በጥይት ተመቶ ክፉኛ ቆስሏል።

Read more...
 
በኢትዮጵያ ሕዝብ አርበኞች ግንባር ስም ከሚካሄደው ወንጀል ራስን ማራቅ የስደተኛ ወገኖቻችን ሃገራዊና ህዝባዊ ግዴታ ነው።

መስከረም 20/2007

እንደ ህዝባዊ ወያኔ ሃርነት ትግራይ አይነት ገዳይ አናሳዎች በሚገዙት ሃገር ዜጎች ሰላም ስለሌላቸው፣ ጠዋት ወጥተው ማታን ለማየት ማረጋገጫ በማጣታቸው፣ የበይ ተመልካች ሆነው ለደናቁርት ሃጥዓን የወረደው የሃብት ማዕበል ከደጃቸው እንኳ ሲያልፍ ማየት እድል ባለማግኘታቸው፣ በከፋቸው ቁጥር የሚተነፍሱባት አደባባይ ተነፍገው ቁጭት በየቤቱ ሲያንገበግባቸው፣ የባሰባቸውም “ምን ይመጣል?” ብለው ለብሶት ብቅ ሲሉ መታነቅ ስለታከታቸው ፣ባህር ኣቋርጠው ከማያውቁት ሃገር ዜጋ እግር ስር መውደቃቸው በአጠቃላይም ስደት ለሚባለው አዋራጅ ስምና ህይወት መዳረጋቸው አይቀሬ ነው።

ቢርበዉም ቢጠማውም በታሪኩ ስደትን የማያውቀው የኢትዮጵያ ህዝብ በመሪሩ የአምስቱ አመት የፋሽስት ኢጣልያ ወረራ ዘመን እንኳ ሃገር ጥሎ አልጠፋም። በዱር በገደሉ ተሰዶ አርበኝነትን ወለደ፣ ለአርበኛው ነጻ ኣውጭ ደጀን ሆኖ አገለገለ እንጂ። ዛሬ ዴሞክራሲ በአሸንዳ በሚንቆረቆርባትና ህዝቦቿ በቀን ስድስት ጊዜ በልተው በሚያገሱባት አዲሲቷ የወያኔ

ኢትዮጵያ ተርቦና ተበድሎ የመኖር መብቱን ተነፍጎ መቀመጥ የታከተው ዜጋ፣ የባሰም ቢመጣ ሃገሬን ልልቀቅ ብሎ በባዕድ ሃገር የስደት ካምፖችን አጣቦት እንደሚገኝ ቢታወቅም፣ በኢትዮጵያ ህዝብ አርበኞች ግንባር ስም ወገኔ ናቸው በሚላቸው ዘመን አመጣሽ ብልጣ ብልጥ በላዔ ብሮች እጅ መውደቁ ግን የበለጠ ታሪካችንን ያበላሸውን ያህል ይሰማናል።

በብዙሃኑ ነጻነት ወዳድ ኢትዮጵያዊ የስደተኛ ገንዘብ የራሳቸውንና የመኪናዎቻቸውን ቀፈት ሞልተው የሃሰትን ተስፋ በየመንደሩ በመነስነስ ተራ እውቅናን ለመሸመት የሚሯሯጡትን ወንጀለኛ ግለሰቦች እናውቃቸው ስለነበረ ይህ ወገናችን በቀላሉ የነኝህ ሃሳዊ መሲሆች ሰለባ ሊሆን መቻሉ የበለጠ አሳስቦናል።

Read more...
 
ማስታወቂያ

 
የአየር ሃይል አብራሪ አርበኛውን ተቀላቀለ

ከወያኔ መከላከያ ሠራዊት በመኮብለል የኢትዮጵያ ሕዝብ አርበኞች ግንባርን የሚቀላቀሉ አባላት አሁንም እንደቀጠለ ነው። ሰሞኑን ግንባሩን ከተቀላቀሉ የሠራዊቱ አባላት መካከል የአየር ኃይል ባልደረባ ይገኝበታል።

በወያኔ መከላከያ ሰራዊት ውስጥ ያለውን የአንድ ቡድን የበላይነትን እና ሠራዊቱ የሀገርና ሕዝብ አገልጋይ መሆኑ ቀርቶ የወያኔ ቅጥረኛነትን በመቃወም በተለያዩ የሠራዊቱ ክፍል ሲሰሩ የነበሩ ግለሰቦች የኢትዮጵያ ሕዝብ አርበኞች ግንባርን በተለያዩ ጊዜያት መቀላቀላቸው ይታወሳል።

ይህ በእንዲህ እንዳለ ሰሞኑን የደብረዘይት አየር ኃይል ባልደረባ ምክትል መቶ አለቃ ጣይብ ቃዲ የተባለ የተዋጊ ጦር ሄሊኮፕተር አብራሪ የሀገራችን ኢትዮጵያን የግፍና የመከራ ጊዜን ለማብቃት እየተደረገ ያለውን ትግል ለመደገፍ የኢትዮጵያ ሕዝብ አርበኞች ግንባርን ተቀላቅሏል።ምክትል መቶ አለቃ ጣይብ ቃዲ ለአርበኞች ድምጽ ሬዲዮ እንደገለጸው ከሆነ "የአየር ኃይሉ ቁልፍ ቁልፍ ቦታዎች በሕ.ወ.ሓ.ት ሰዎች የተያዘ ሲሆን እንኳንስ የኢትዮጵያን ሉዓላዊነት ሊያስከብር ቀርቶ እንደተቋም በሁለት እግሩ መቆም ተስኖት በውጪ ቅጥረኞች ትከሻ ላይ የተመሰረተ" መሆኑን ገልጿል።

Read more...
 
በቋራ ወታደራዊ ጥቃት

የኢትዮጵያ ሕዝብ አርበኞች ግንባር በቋራ ወታደራዊ ጥቃት ፈጸመ። ማጥቃቱም በወያኔ አምባገነናዊ አገዛዝ በኦጋዴን ለተፈጸመው ጅምላ ግድያ ወታደራዊ ምላሽ መሆኑን አስታውቋል።

ሕዝብን ኢ-ፍትሀዊ በሆነ መንገድ እያሰረ፣ እያንገላታ፣ እያደደና እየገደለ የሚገኘውን የወያኔ አምባገነናዊ አገዛዝ ከኢትዮጵያ ሕዝብ ጫንቃ ለማውረደ በአርበኝነት ትግል እየተፋለመ የሚገኘው የኢትዮጵያ ሕዝብ አርበኞች ግንባር በተለያዩ ጊዜያት በወያኔ ላይ በሚያካሂዳቸው ወታደራዊ የማጥቃት ዘመቻዎች ለተጨቆነው ሕዝብ ብሶት አፀፋዊ ምላሽ በመስጠት ሕዝባዊ ወገንተኝነቱን እያሳየ እንደሚገኝ የሚታወቅ ነው።

ሰሞኑን ወያኔ በኦጋዴን ወገኖቻችን ላይ ጅምላ ጭፍጨፋ ማካሄዱን ተከትሎ የኢትዮጵያ ሕዝብ አርበኞች ግንባር የአፀፋ ምላሽ እንደሚሰጥ ማስታወቁ የሚታወስ ሲሆን በዚህም መሰረት መስከረም 8 ቀን 2007 ዓ/ም በቋራ ወረዳ ልዩ ስሙ ደለጎ በተባለው አካባቢ በወያኔ ፀረ-ሽምቅ ኃይሎችና በፌደራል ፖሊሶች ላይ ወታደራዊ የማጥቃት እርምጃ ወስዷል። በዚህም የማጥቃት እርምጃ አስራ ሶስት (13) የወያኔ ታጣቂ ኃይሎች ሙት፣ ዘጠኙ (9) ደግሞ ከፍተኛ የመቁሰል አደጋ የደረሰባቸው ሲሆን የእጅ ቦምቦች፣ የነፍስ ወከፍ መሳሪያዎች ከነመስል ጥይቶቻቸውና ትጥቆቻቸው ጋር ተማርኳል።

የኢትዮጵያ ሕዝብ አርበኞች ግንባር በተለያዩ የሀገራችን ክፍሎች በወገኖቻችን ላይ ወያኔ ለሚፈጸመው ጅምላ ግድያ፣ እስራትና መፈናቀል የሚሰጠውን ወታደራዊ የአፀፋ ምላሾች አጠናክሮ እንደሚቀጥል እየገለፀ የኢትዮጵያ ሕዝብ ለዚህ ተልዕኮ መሳካትና አምባገነናዊውን የወያኔ አገዛዝ ለመጣል ለሚደረገው ትግል ድጋፍ በመስጠት የበኩሉን አስተዋፆ እንዲያደርግ ግንባሩ ጥሪውን ያስተላልፋል።


 
የ2007 ዓ/ምን አዲስ አመት በማስመልከት ከኢትዮጵያ ሕዝብ አርበኞች ግንባር የተሰጠ ድርጅታዊ መግለጫ

- ከአምባገነኖች የጭቆና ቀንበር ለመላቀቅ ከግማሽ ምዕተ-ዓመት በላይ ለነፃነቱና ለመብቱ ሲታገል ለኖረውና የትግሉ ባለቤት ለሆነው የኢትዮጵያ ሕዝብ ፣

- በአርበኝነት ትግል በዱር ገደሉ ህይወታችሁን፣ ጉልበታችሁን፣ ጊዜያችሁንና ዕውቀታችሁን ሳትሰስቱ ለተቀደሰው ዓላማ በማበርከት ላይ ለምትገኙ የኢትዮጵያ ሕዝብ አርበኞች ግንባር ሠራዊት፣

- ከአስከፊው የስደት ውጣ ውረድ ኑሮ ላይ በመቀነስ በገንዘብ፣ በቁሳቁስ፣ በሞራል እና በሀሳብ የአርበኝነት ትግሉን በመደገፍ ላይ ለምትገኙ በውጭ የምትኖሩ ሀገር ወዳድ ኢትዮጵያውያን እንዲሁም

- ለወደፊቷ ጠንካራና የበለፀገች ኢትዮጵያ በጎ ምኞትን በማሰብ ትግሉን ያለመታከት በመደገፍ ላይ ለምትገኙ የኢትዮጵያ ወዳጆች በሙሉ

እንኳን ለ2007 ዓ/ም አዲስ ዓመት አደረሳችሁ አደረሰን!

ታሪክ ራሱን ደግሞ፣ የሀገር ህልውና ዳግም አደጋ ላይ ወድቆ ኢትዮጵያችን ልጆቼ በማለት የአድኑኝ ጥሪዋን ማሰማት ከጀመረች እነሆ ዓመታትን አስቆጠረች።በየዕለቱ በወያኔ የሚገደለው፣ የሚታሰረው፣ የሚሰደደውና የሚደበደበው ሕዝብ ቁጥር በአሐዝ ለማስፈር አዳጋች እየሆነ መቷል። የወያኔ አምባገነናዊ አገዛዝ ግፍ፣ በደልና የሉዓላዊነት መደፈር ጉዳዮች በቀጥታም ሆነ በተዘዋዋሪ ቤቱን ያላንኳኳበት ሰው አለ ማለት ዘበት ነው።

ወቅቱ ለጠየቀው የሀገር አድን ጥሪ ምላሽ በመስጠት የኢትዮጵያ ሕዝብ አርበኞች ግንባር የአርበኝነት ትግል ችቦውን በመለኮስ እንደ ሻማ በመቅለጥ ብርሃን እየሰጠ እንደሆነ ይታወቃል። የተለኮሰውም ችቦ ሳይጠፋ የታለመለት ግብ ድረስ እንዲዘልቅ የደምና የአጥንት መስዋዕትነት በቋሚነት እየተገበረ ይገኛል። በዚህም ብዙ ሀገርና ወገን አፍቃሪ ጓዶች ከጎናችን ወድቀዋል፤ እኛም የመስዋዕትነት ረድፍ ላይ ሆነን የአርበኝነት ተጋድሎውን በጽኑ ሀገራዊና ወገናዊ ፍቅር ወደ አዲስ ምዕራፍ አሸጋግረነዋል። አዎ! አዲስ የትግል ምዕራፍ! ለዓመታት ሲካሄድ የቆየውን የተበታተነ ትግል በመሰብሰብ የወያኔን አገዛዝ እድሜ ለማሳጠር የተደረገው እልህ አስጨራሽ ጉዞ ፍሬ አፍርቶ በአሁኑ ሰዓት የኢትዮጵያ ሕዝብ አርበኞች ግንባር፣ የግንቦት 7 የፍትሕ፣ የነፃነትና የዴሞክራሲ ንቅናቄ እና የአማራ ዴሞክራሲያዊ ኃይሎች ንቅናቄ የውህደቱን መንገድ ጀምረነዋል። የፍሬውም ተቋዳሽ የምንሆነበት ጊዜ ሩቅ አይሆንም።

አዲስ መንፈስ፣ አዲስ ዕቅድና አዲስ ራዕይ የአዲስ አመት አንዱ መገለጫዎች ናቸው። እነዚህንም መገለጫዎች ወደ መሬት ለማውረድ የአዲስ ዓመት ውጥን ማዘጋጀት የተለመደ ሂደት ነው።በመሆኑም የመላ ኢትዮጵያዊ የ2007 ዓ/ም አዲስ ዓመት ተቀዳሚ ውጥን መሆን ያለበት የወያኔን አገዛዝ ለማስወገድ የበኩሉን አስተዋፆ ለማበረከት ቆርጦ መነሳት ነው። የዚህንም ተፈፃሚነት ለማረጋገጥ አንድም ወደ ትግሉ በመቀላቀል ሲሆን ሌላው ደግሞ በየጊዜው ለሚኖሩ ሕዝባዊ ጥሪዎች ባለ አቅም ሁሉ ምላሽ በመስጠት ትግሉን መደገፍ ነው። በመሆኑም በአዲሱ አመት ውጥናችን ውስጥ መካተት ያለባቸውን ነገሮች መካተታቸውን ማረጋገጥ ያስፈልጋል።

አዲሱ ዓመትም የድል ዘመን እንዲሆንልን በተባበረ ክንድ የወያኔን አምባገነናዊ አገዛዝ ለማስወገድ የተጀመረውን ሁለገብ የአርበኝነት የትጥቅ ትግል በመደገፍ ሁሉም ዜጋ ከኢትዮጵያ ሕዝብ አርበኞች ግንባር ጎን እንዲቆምየትግል ጥሪያችንን እናስተላልፋለን።

አንድነት ኃይል ነው!!!

የኢትዮጵያ ሕዝብ አርበኞች ግንባር

መስከረም 2007 ዓ/ም

 
መግለጫ

 

Search

Latest Articles

  1. 18-03-2007
    (1999-11-30 00:00:00)
  2. 16-03-2007
    (1999-11-30 00:00:00)
  3. 13-03-2007
    (1999-11-30 00:00:00)
  4. 11-03-2007
    (1999-11-30 00:00:00)
  5. 09-03-2007
    (1999-11-30 00:00:00)



Copy right @2014 arbegnochginbar